Цэс
Ерөнхий захирал
Б. Отгонбат

Таньд энэ өдрийн мэндийг хүргэе!

Юуны өмнө Олон улсын хүүхдийн Найрамдал цогцолборын 40 гаруй жилийн түүхийг хамтдаа бүтээлцэж өнөөгийн өндөрлөгт хүргэсэн үе үеийн ахмад багш, ажилчид, амрагч хүүхдүүд, эцэг эхчүүддээ талархал илэрхийлье.

Сүүлийн 2 жилийн турш дэлхий дахинд нүүрлээд буй цар тахлын нөлөөгөөр сургууль, зуслан төдийгүй хүүхдийн төлөө үйл ажиллагаа эрхлэн явуулдаг бүхий л байгууллагууд хаалгаа хаагаад удаж байна. Удахгүй дэлхий дахинд цар тахлыг ялан дийлж уулзан учрах сайхан цаг ирж амрагч хүүхдүүдээ хүлээн авч хүүхдийн гүрэнт улс Найрамдалд дахин хүүхдийн инээд, дуу хуур цангинах тэрхүү өдрийг тэсэн ядан хүлээж хамт олон маань зуны ээлжээ хүлээн авах бэлтгэл ажилдаа шамдан ороод байна.

Бид өөрчлөлт, шинэчлэлийн эрин зуунд амьдарч байна. Энэ цаг үед шинэчлэл, өөрчлөлттэй хөл нийлүүлж хүүхэд өсвөр үеийнхнийхээ танин мэдэх сэтгэн бодох, эрүүл ахуйн зөв дадал, хэвшилтэй болох, байгаль орчинтойгоо зөв харьцах, хамтдаа суралцаж хамтдаа хөгжих шинэлэг бөгөөд сонирхолтой арга хэлбэрийг манай хамт олон эрэлхийлж хөгжлийн хөтөлбөрөө сайжруулж орчин цагийн хүүхэд өсвөр үеийнхнийхээ хэрэгцээ шаардлагад бүрэн нийцсэн үйл ажиллагаагаараа бүс нутагтаа тэргүүлэх зуслан болохоор зорилт тавин ажиллаж байна.

Хүүхдийн эрхэд суурилсан хүүхдэд ээлтэй байх бүх нийтийн үйлс дэлгэрэх болтугай.

Цогцолборын танилцуулга

Тус цогцолбор нь Засгийн газрын хэрэгжүүлэгч агентлаг-Гэр бүл, хүүхэд, залуучуудын хөгжлийн газрын харъяа Чанарын менежментийн тогтолцоо ISO 9001:2015/MNS ISO 9001:2016 стандартын шаардлагыг бүрэн нэвтрүүлсэн төрийн үйлчилгээний байгууллага юм.

Эрхэм зорилго
Хүүхэд өсвөр үеийнхний хөгжлийг манлайлан дэмжинэ.
Үнэт зүйлс
Уламжлал, Нэр хүнд, Манлайлал, Чанартай үйлчилгээ, Найрсаг харилцаа
Алсын хараа
Азийн загвар зуслан болно.
Product screenshot
Чанарын бодлого

Улс үндэстний хүүхэд залуучуудыг хөгжилд түүчээлсэн ”Найрамдал хөтөлбөр”-өөр хэрэглэгчдэд таатай найрсаг үйлчилгээгээр салбараа хөгжүүлж, үйлчлүүлэгчдийн амарч хөгжих ая тухтай орчин нөхцлийг бүрдүүлэн, чадварлаг хамт олныг байгууллагын соёлоор удирдаж, Монгол хүний язгуур үнэт зүйлс, түүхэн уламжлалыг өвлүүлэн үлдээхэд бодьтой хувь нэмэр оруулан үйл ажиллагаагаа байнга сайжруулан ажиллана.

Байгаль орчны бодлого

Бидний үйл ажиллагаанаас үүдэн гарах байгаль орчны бохирдлын үр нөлөөг боломжит хэмжээнд бууруулан, эх дэлхийгээ хайрлан хамгаалах өв соёл, ёс заншлыг ажилтнууд болон хүүхэд залуучуудад түгээн дэлгэрүүлж, хууль эрх зүйн шаардлагыг бүрэн хангаж, байгалийн нөөцийг үр ашигтай хэрэглэж, ногоон байгууламжийг нэмэгдүүлэн, хог хаягдлын ухаалаг тогтолцоог бүрдүүлэн ажиллана.

Түүхэн товчоон

  • 1978-1981

    Зуны болон өвлийн ээлжтэйгээр хүүхдүүдийг хүлээн авx бөгөөд өвлийн ээлжид "Харшийн сүлд модны наадам" хийдэг болсон.

  • 1990-1992

    Пионерын байгууллагыг дэмждэг зуслан болж, анги хамт олны болон өдрийн амралтын үйлчилгээ нэвтрүүлсэн.

  • 1998-2005

    Хурал, симпозиум, аварга шалгаруулах тэмцээн, наадам зэрэг төрөл бүрийн арга хэмжээг зохион байгуулж. Сургуулийн барилгыг “Хөгжил мэдээллийн ордон” болгож шинэчлэв.

  • 2006-2010

    Зуслангийн үйл ажиллагааны стандартыг боловсруулж, урлагийн наадам, зөвлөгөөний хөтөлбөр зэрэг төрөл бүрийн арга хэмжээг зохион байгуулав. Нээлттэй цахим зуслан хөтөлбөр хэрэгжиж эхлэв.

  • 2011-2020

    Олон улсын бага хурал, театрын нээлт, Ази Номхон далайн скаутуудын Жембори зэрэг төрөл бүрийн арга хэмжээг зохион байгуулсан. Олон улсын хүүхдийн “Найрамдал” төвийн нэрийг “Олон улсын хүүхдийн “Найрамдал” цогцолбор болгон шинэчлэн өргөтгөн, уламжлалт харилцаагаа дахин сэргээж ОХУ-ын “Артек”, Орлёнок зуслантай хамтарч ажиллах гэрээ байгууллаа

Бүлгийн танилцуулга

Найрамдал зуслан нь зуны болон өвлийн гэсэн нийт 8 бүлэгтэй. Зун үйл ажиллагаагаа явуулдаг 8 бүлэгтэй бол өвөл үйл ажиллагаагаа явуулдаг 6 бүлэгтэй.