Эрүүл орчин

Чанарын удирдлагын тогтолцоо ISO 9001:2008/MNS ISO 9001:2010 стандартын шаардлагыг бүрэн нэвтрүүлсэн байгууллага

Цэнгэг агаар- Эрүүл орчин

Чанарын удирдлагын тогтолцоо ISO 9001:2008/MNS ISO 9001:2010 стандартын шаардлагыг бүрэн нэвтрүүлсэн байгууллага

Авьяас чадвар
Чөлөөт орчин

Бид өв тэгш хүмүүжлийг олгоно

Манай тавтай морилно уу

Олон Улсын Хүүхдийн Найрамдал Төв нь үндсэн үйлчилгээ, дэмжих үйлчилгээ, чанарын гэсэн 3 албатай, захиргаа хүний нөөцийн, санхүү бүртгэлийн, олон нийттэй харилцах гэсэн 3 хэлтэстэй.
  • Үндсэн үйлчилгээний алба нь хөтөлбөр хэрэгжилт, хоол үйлдвэрлэл гэсэн 2 хэсэгтэй. Дэмжих үйлчилгээний алба нь дулаан, барилга ашиглалт, харуул хамгааллат, үйлчилгээ, автын гэсэн 5 хэсэгтэй юм.
  • Тус төвийн удирдлагаас сүүлийн жилүүдэд ажилтнуудыг багаар ажиллах зохион байгуулалтад оруулан, ажлын идэвх, бүтээмж, чанарыг дээшлүүлэх зорилго тавьж ажилласны үр дүнд хоол үйлдвэрлэл, дулаан, үйлчилгээ, хөтөлбөр хэрэгжилт, барилга ашиглалт, автограж, харуул хамгаалалтын хэсгийн хамт олон багийн зохион байгуулалттай ажиллаж байна.
Амрагч хүүхдүүдийн чөлөөт цагийг зөв боловсон өнгөрүүлэх,Монгол ёс заншил, уламжлал, соёлыг сэргээн хүүхэд залуучуудад өвлүүлснээр гэр бүлийн ёс зүй, харилцаа, үнэ цэнийг нэмэгдүүлэх , эрүүл аж төрөх ёсонд сургах,эх оронч сэтгэлгээтэй болгон хөгжүүлэх, амьдрах арга ухаанд сургах, байгаль экологийн хүмүүжил олгох, боловсролтой, эрсдлийг даван туулах чадвартай дэлхийн иргэн болж төлөвшихөд нь дэмжлэг үзүүлэхэд оршино.
  • Эрүүл мэндийн хөтөлбөр /Эрүүл хүүхэд /
  • Миний гэр бүл-Миний хөгжил хөтөлбөр
  • Байгаль эколгийн хөтөлбөр /Эко зуслан /
  • Гадаад орчин эр зоригийн хөтөлбөр /Эх орон-36 хөтөлбөр/
  • Авъяасыг дэмжих хөтөлбөр
Олон Улсын хүүхдийн найрамдал төв нь улс хоорондын солилцооны хөтөлбөрийг амжилттай хэрэгжүүлдэг.
Гишүүнчлэл:
  • Олон улсын зуслангуудын холбооны удирдах зөвлөлийн гишүүн
  • Олон улсын зуслангуудын холбоо
  • Канад “Онтарио”-ийн зуслангуудын холбоо
  • Монголын зуслангуудын холбоо
  • Ази номхон далайн орнуудын зуслангуудын холбооны гишүүн


Таны төлөө бид

Бид танд чанартай үйлчилгээг санал болгож байна

Найдвартай үйлчилгээ , Сэтгэл ханамж 100%

Бидний тухай

БИДНИЙ УРИА:
Хүн бүрт сэтгэлээсээ үйлчилнэ

ЭРХЭМ ЗОРИЛГО:
Улс үндэстний хүүхэд, залуучуудыг шинэ зууны иргэн болж төлөвшихөд нь дэмжлэг үзүүлж, тэдний амарч, хөгжих эрүүл таатай орчинг бүрдүүлэн үйлчлэх

Ерөнхий захирлын мэндчилгээ
Олон Улсын болон Ази Номхон далайн орны Зуслангуудын Холбооны гишүүн, хүүхдийн үерхэл нөхөрлөлийн хотхон “Найрамдал” Төв нь та бүхнийг ая тухтай амрах орчинг бүрдүүлж хөгжих, оролцох эрхийг тань хангахад чиглэгдсэн хөгжлийн хөтөлбөрүүдээр үйлчилж байна. Эрхэм хүүхдүүд та бүхэн манай төвд зочилсноор үндэстэн хоорондын соёлын солилцоо хамтын ажиллагаа, харилцан нөхөрлөлийг бэхжүүлэх үйлсэд өөрийн хувь нэмрээ оруулан адал явдал, инээд баясал, мэдээллийн ертөнцөөр үе тэнгийхэнтэйгээ хамт аялах болно. Та бүхнийг урьж байна.

Товч түүх
Олон Улсын Хүүхдийн “Найрамдал” төв нь Улс үндэсний хүүхэд өсвөр үеийнхний чөлөөт цагийг үр бүтээлтэй өнгөрүүлэх, тэдний үерхэл нөхөрлөлийг бэхжүүлэх, шинэ мэдлэг мэдээллийг олгох, авъяас чадварыг нээх, хөгжил, оролцоог нь хангахад нь чиглэсэн үйлчилгээ үзүүлдэг Монгол улсын Хүн амын хөгжил, нийгмийн хамгааллын сайдын эрхлэх ажлын хүрээнд Хүүхдийн төлөө газрын удирдлагын дор үйл ажиллагаагаа явуулдаг төрийн үйлчилгээний байгууллага юм.
Тус төв нь далайн түвшнээс 1520 м өндөрт Хан Хэнтий нурууны төгсгөл хэсэгт Монгол улсын нийслэл Улаанбаатар хотоос 27 км зайд, байгалийн үзэсгэлэнт Баянголын хөндийд нийт 1225 га газар эзэлж оршдог.
ОУХ “Найрамдал” төв нь Монголын Хүүхдийн фондын санаачлага, оролцоотойгоор 1978 оны 07-р сарын 19-ны өдөр 250 хүүхэд хүлээн авах зуны барилга байгууламжууд, 1981 онд 250 хүүхэд хүлээн авах хүчин чадалтай өвлийн хэсэг нь тус тус ашиглалтанд орсноор бүтэн жилийн турш ажиллах боломжтойгоор байгуулагдсан байна.

Тус Төвийн үйл ажиллагааны үндсэн зорилго нь сургууль хамт олон, эцэг эх, хүүхдүүдийн захиалгаар амрагчдаа хүлээн авч, эрүүл ая тухтай орчинд амруулан, тэдний хөгжлийг хангахад чиглэгдсэн олон хэлбэрийн хөгжлийн хөтөлбөр, амт чанартай хоол, аюулгүй тээвэр, эмнэлгийн үйлчилгээ, ая тухтай орчноор үйлчлэхэд чиглэгдэж байна.
1978-1990 онуудад жилдээ 21-40 хоногийн хугацаатай 9-11 ээлжинд нийт 3800 орчим хүүхэд хүлээн авч амрааж, “Идэвхтний сургууль” зохион байгуулж, улсын хэмжээнд пионерийн байгууллагын ажлын онол арга зүй, тэргүүн туршлагыг түгээн дэлгэрүүлэх түшиц байгууллага нь болж ажиллаж байлаа. 1992 оноос анги хамт олон болон өдрийн амралтын үйлчилгээг нэмэгдүүлснээр нэг ээлжиндээ 240-540 буюу жилдээ 40 гаруй ээлжинд өөрийн болон гадаад орны 30000 гаруй хүүхэд багачуудыг хүлээн авч амруулан, үндэсний болон олон улсын хэмжээний 10 гаруй арга хэмжээг тогтмол амжилттай зохион байгуулж байна.
Тус төв нь нийт 75 барилга байгууламжтай. Үүнээс сүүлийн 4 жилийн хугацаанд нийт барилгын болон инженерийн шугам сүлжээний 30%, цахилгааны тоног төхөөрөмжийн 40%-д их ба урсгал засвар хийсэн хэдий ч байгаль орчны эрс тэс уур амьсгал, олон жил тасралтгүй ашиглагдсанаас барилга байгууламж, тоног төхөөрөмж, эд хогшилд төлөвлөгдөөгүй хөрөнгийн зарцуулалт гарсаар байна. Өөрсдийн хүчээр олон жил ашиглалтгүй байсан сургуулийн барилгыг иж бүрэн засварлан “Хүүхдийн хөгжил мэдээллийн ордон” болгон шинэчлэн, анги танхимуудыг орчин үеийн шаардлагад нийцэхүйцээр тохижуулж, хүүхдийн урлаг, соёлын арга хэмжээг явуулах 650 суудалтай “Хараацай” театрыг барьж байгуулан ашиглалтанд оруулсан байна.
Хөгжлийн хөтөлбөрийг хүүхэд өөрөө оролцож, өөрөө хийж, өөрөө бүтээж, өөрийгөө хөгжүүлэх нөхцлийг бүрдүүлэхэд чиглүүлэн, тэдний нас, бие, сэтгэхүйн онцлогт тохируулан арга хэлбэрийг нь байнга шинэчлэн сайжруулж байгаа ба Хүүхдийн хөгжлийн хөтөлбөрүүдийн багцыг Оюуны өмчийн газраар баталгаажуулж, тус төвөөс санаачлан боловсруулсан “Хүүхдийн зуслангийн үйл ажиллагаа Ерөнхий шаардлага MNS 5633:2006 стандарт”-ыг 2007 оноос эхлэн Монголын Зуслангуудын холбоо, нийт зуслангууд мөрдөн ажиллаж байна.
Төвийн үндсэн үйл ажиллагааны үндсэн ээлжээс гадна хоног, өдрийн амрагч, “Найрамдал” экипаж, “Найрамдал”-ын нэг өдөр, солилцооны хөтөлбөр зэрэг олон төрлийг үйл ажиллагааг амжилттай зохион байгуулснаар хүүхдүүдийн эрэлт хэрэгцээ, нас сэтгэхүйн онцлогт тохирсон хөгжлийн хөтөлбөрүүдээр үйлчлэх, хүүхэдтэй ажилладаг багш, нийгмийн ажилтан, зуслангийн удирдагчдыг чадавхижуулах, олон нийтэд мэдээлэл, сурталчилгааг хүргэх зорилгоо бүрэн хангаж жилдээ 2-3 аймгийн 10,000 гаруй хүүхэд багачууд, багш нарт төвийн хөтөлбөр, арга зүйн мэдээллийг түгээж ажиллаж байна.

2007 оноос тус төв “Нээлттэй зуслан” Цахим хөтөлбөр хэрэгжүүлснээр чанарын шаардлага хангасан вэб хуудастай болж, хүүхдийн амрах эрхийн бичгийг онлайнаар авч, 2013 оноос цахим картыг үйлчилгээндээ хэрэгжүүлж эхэлсэн нь олон хүний хөдөлмөрийг хөнгөвчилж хүүхэд, эцэг эхчүүдэд эрхийн бичиг түгээх үйлчилгээг хөнгөн шуурхай чирэгдэлгүй хүргэх сайхан боломжийг бүрдүүлж чадлаа.
Тус төв нь чанарын удирдлагын тогтолцоог төрийн байгууллагын үйл ажиллагаанд нэвтрүүлэх талаар санаачлага гарган ажиллаж Чанарын гарын авлага болон байгууллагын стандарт, үйл ажиллаганы процессын удирдлагуудыг боловсруулан мөрдөж ажилласнаар 2011 онд Чанарын удирдлагын тогтолцоо ISO 9001:2008/MNS ISO 9001:2010 стандартын шаардлагыг бүхэлдээ бүрэн нэвтрүүлсэн төрийн үйлчилгээний анхдагч байгууллагын гэрчилгээг гардаж авч Стандартчлал хэмжил зүйн газрын 2 удаагийн магадлах аудитаар амжилттай шалгагдсан байна. Төвийн удирдлага 2020 он хүртэл хугацааны Мастер төлөвлөгөөг боловсруулан хэрэгжилтийг хангаж ажилласнаар өнөөгийн байдлаар “Хараацай” театр, ажилчдын нэг орон сууц, баримлын хотхон, амрагч тухлах сүүдрэвч, уулзалтын байрыг шинээр барьж ашиглалтад оруулаад байна.

Хөгжлийн хөтөлбөр

Амрагч хүүхдүүдийн чөлөөт цагийг зөв боловсон өнгөрүүлэх,Монгол ёс заншил, уламжлал, соёлыг сэргээн хүүхэд залуучуудад өвлүүлснээр гэр бүлийн ёс зүй, харилцаа, үнэ цэнийг нэмэгдүүлэх , эрүүл аж төрөх ёсонд сургах,эх оронч сэтгэлгээтэй болгон хөгжүүлэх, амьдрах арга ухаанд сургах, байгаль экологийн хүмүүжил олгох, боловсролтой, эрсдлийг даван туулах чадвартай дэлхийн иргэн болж төлөвшихөд нь дэмжлэг үзүүлэхэд оршино.
Хөтөлбөрийн чиглэл:
  • Эрүүл мэндийн хөтөлбөр /Эрүүл хүүхэд /
  • Миний гэр бүл-Миний хөгжил хөтөлбөр
  • Байгаль эколгийн хөтөлбөр /Эко зуслан /
  • Гадаад орчин эр зоригийн хөтөлбөр /Эх орон-36 хөтөлбөр/
  • Авъяасыг дэмжих хөтөлбөр
  • Эрх зүй, оролцооны хөтөлбөр
Түүхэн газруудаар тойрон аялал хийх /сонголтоор/, Тэрэлж,Манзуширийн Үндэсний хүрээлэн , 13-р зууны Монголын эзэнт гүрний нийслэл Хар Хорин, зэрлэг адуу Тахийг олж харах бүхий Хустайн нуруу үндэсний хүрээлэн, Цонжинболдог, 13-р зуун, Зайсан Толгой
Тус төвд амрагчид төрөлжсөн меню, сонголттой үйлчилгээгээр Монгол үндэсний болон Ази, Европ хоол, тухайн орны онцлогт тохирсон амт чанартай тусгай хоолоор үйлчлүүлэх боломжтой.Мөн үйлчлүүлэгчдийн эрэлт хэрэгцээнд тулгуурлан хоолны цэсээ зохиож ,өөртөө үйлчлэх үйлчилгээг нэвтрүүлж 250 гаруй нэрийн хоолны жороор үйлчилж байна.

Бүлгүүд

ОУХНТөв нь анх “Олон Улсын Хүүхдийн Найрамдал Зуслан ” нэртэйгээр 1978 оны 07-р сарын 19-ны өдөр нээлтээ хийсэн . Хүүхэд өсвөр үеийнхний амралтын байр нь тэдний сонирхол , танин мэдэхүйн сэтгэлгээг хөгжүүлэх , улс үндэстнүүдийн онцлогийг тусгасан хэлбэрээр баригдсан байна.
Одод
Скандинавийн орнуудын барилга байгууламжийн хэв маягийг хадгалсан . Хадаас ороогүй оньсон чагтлах аргаар баригдсан. Учир нь уг орон маш чийглэг учраас хадаас зэв болж модоо идэн нурах аюултай учраас төмөрлөг зүйл бага ордог. Нийт 48 хүүхэд хүлээн авах чадалтай , 8 тасаг , чөлөөт цагийн танхим , багш нарын өрөөтэй. Цамхаг, ойн цоорхой дох ганц тахиан хөлтэй өндөр шаттай байшинг үлгэрийн юм шиг сэтгэгдэл төрүүлэхээр барьжээ .
Солонго
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Зүүн өмнөд ази буюу Вьетнам үндэсний барилга баригдсан . Социалист орнуудаас архитекторчид урьсны дагуу Вьетнам улс зураг төслөө илгээсэн. Үүнийг Орос барилгачид барьсан. Энэ нь тэр үедээ
  • Өвөрмөц хэлбэртэй
  • Тэмцэж буй орныг дэмжих бодлогоос болсон
Барилга байшингууд нь ихэвчлэн усан дээр баригдсан байдгаас доороо урт модон тулгууртай байдаг. Нийт 40 хүүхэд авах чадалтай , 8 тасаг , чөлөөт цагийн танхим , багш нарын өрөөтэй.
Сансар
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Эртний Орос тосгоны байшин мэт сэтгэгдэл төрүүлэхээр баригдсан . Монгол –Зөвлөлтийн хамтарсан архитеторын хэсгийг Архитекторч А.Хишигт , ерөнхий архитектороор нь Зөвлөлтийн мэргэжилтэн Ю.Б.Марков нар ахлан Зуслангийн зураг төслийн ажлыг хийж байлаа. Эртний Оросууд цонхны, ойролцоо, дээвэр, ханаа модоор янз бүрийн сийлбэр , хээ угалзуудын хийн чамин маяг оруулдаг байсан. Мөн Сүмийн маягтай цамхаг , дээр нь зоосон тахиа үүнд хамаарна. Нийт 48 хүүхэд хүлээн авах чадалтай , 8 тасаг , Чөлөөт цагийн тахим, багш нарын өрөөтэй.
Туяа
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Болгар улсаас архитекторч ирж газар дээр нь зуслангийн онцлогийг судлаад Болгар үндэсний хэлбэртэй маш энгийн зураг гаргаж ирсэн нь хэрэгжиж Туяа хотхон болжээ. Болгар байшин нь нар тусах газар болгон буву хана болгондоо нарны гэрэл тусгах , агаар оруулах зориулалттай цонх , дотор гаднагүй шавардлагатай байдгаараа онцлогтой билээ. Нийт 40 хүүхэд хүлээн авах чадалтай , 8 тасаг , Чөлөөт цагийн тахим, багш нарын өрөөтэй.
Оч
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Монгол –Зөвлөлтийн хамтарсан архитеторын хэсгийг Архитекторч А.Хишигт , ерөнхий архитектороор нь Зөвлөлтийн мэргэжилтэн Ю.Б.Марков нар ахлан Зуслангийн зураг төслийн ажлыг хийж байлаа. Геометрийн дүрсүүд орсон , хурц тод өнгө, 2 давхар баригдсан , барилгын өвөрмөц хэлбэр зэрэг нь Найрамдал зуслангийн цогцолборт гол байр суурийг эзлэх болсон . Нийт 48 хүүхэд хүлээн авах чадалтай , 8 тасаг , Чөлөөт цагийн танхим, багш нарын өрөөтэй. Нарлаг
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Монгол –Зөвлөлтийн хамтарсан архитеторын хэсгийг Архитекторч А.Хишигт , ерөнхий архитектороор нь Зөвлөлтийн мэргэжилтэн Ю.Б.Марков нар ахлан Зуслангийн зураг төслийн ажлыг хийж байлаа. Монгол загварын байшин эртний сүм дуганы оройн ганжир , Чөлөөт цагийн танхим нь Монгол гэр шиг дугуй хэлбэртэй хийгдсэн нь гадаадын орнуудын хүүхэд багачуудын сонирхолыг ихэд татдаг барилгын хийц болсон. Нарлаг бүлэгт нийт 42 хүүхэд хүлээн авах чадалтай , 7 тасаг , чөлөөт цагийн танхим, багш нарын өрөөтэй, бэлэг дурсгалын зүйлс зардаг дэлгүүртэй.
Сэтгэмж
ОУХ”Найрамдал ”Зуслан хүүхдүүдийн дунд зуслангийн нэр өгөх уралдаан зарласан . Уралдааны шагналт байранд орсон нэрнүүдээс зуны энэ хотхоны нэрийг өгсөн . Монгол –Зөвлөлтийн хамтарсан архитеторын хэсгийг Архитекторч А.Хишигт , ерөнхий архитектороор нь Зөвлөлтийн мэргэжилтэн Ю.Б.Марков нар ахлан Зуслангийн зураг төслийн ажлыг хийж байлаа. Урьд нь 1979-1981 он хүртэл ОУХНЗуслангийн захиргаа , Эмнэлэг үйл ажиллагаагаа явуулдаг байгаад Сэтгэмж бүлэг нэртэйгээр хүүхдийг хүлээж авах чадалтай , дотроо ариун цэврийн өрөө, 8 тасаг , чөлөөт цагийн танхимтай байгуулагджээ.
Монгол –Зөвлөлтийн хамтарсан архитеторын хэсгийг Архитекторч А.Хишигт , ерөнхий архитектороор нь Зөвлөлтийн мэргэжилтэн Ю.Б.Марков нар ахлан Зуслангийн зураг төслийн ажлыг хийж байлаа. 1981 онд өвлийн барилга байгууламжууд ашиглалтанд орсон . Өвлийн байр ашиглалтанд орсноор зуны улиралд 500, өвлийн улиралд 240 хүүхэд хүлээн авах хүчин чадалтайгаар үйл ажиллагаагаа өргөжүүлэн тухайн үеийн социалист системийн орнуудын пионерийн зуслан , лагеруудын ажлын шилдэг туршлагад үндэслэн ажиллаж байв. Одоо өвлийн амралтынТөв байр Ундраа , Нөхөрлөл, Сонор , Оргил, Ирээдүй , Мичид гэсэн нийт 6 бүлэгтэй үйл ажиллагаа явуулж байна. 1-р давхрын баруун жигүүрт Ирээдүй бүлэг , угаалгын цех, зүүн жигүүрт Мичид бүлэг , Эмчийн өрөө, 2-р давхарт фото зургийн үзэсгэлэн, зүүн жигүүрт Сонор бүлэг , А.И.Филатовагийн танхим , Баруун жигүүрт Оргил бүлэг , 3-р давхарт уран зургийн үзэсгэлэн , баруун жигүүрт Нөхөрлөл бүлэг , зүүн жигүүрт Ундраа бүлэг “Хүүхдийн эрхийн танхим” 4-р давхарт Интернэт танхимтай. Хүүхдийн хөгжлийн хөтөлбөрүүдийг хэрэгжүүлэн үйл ажиллагаагаа явуулж байна.
1981 онд өвлийн барилга байгууламжууд ашиглалтанд ороход хамт орсон . Анх идэвхтний сургууль нэртэйгээр байгуулагдсан Монгол улсын бүх сургуулиудыг үлгэр жишээ авах зориулалтаар бүрэн тоноглогдсон кабинетууд үйл ажиллагаа явуулж 21, 45 хоногоор амрахаар ирсэн идэвхтэн хүүхэд багачуудыг монголын хамгийн шилдэг гэсэн багш нар энэ сургуульд нэг жилийн томилолттой ирж сургаж хүмүүжүүлдэг байжээ. ОУХНТөв ээлжийн үргэлжлэх хугацааг 7, 10 хоногоор зохион байгуулдаг болсноор сургуульд энд хичээл орох шаардлагагүй болсон . 1997 онд 8 жил , 2001 оноос бага сургууль болж ажилтан , албан хаагчдын хүүхдүүдийг сургаж байна. 2004 оноос эхлэн ОУХ”Найрамдал ”Төв “Хүүхэд залуучуудын хөгжлийн ордон ” –г шинээр ашиглалтанд оруулж , эхний ээлжинд Сургалт , Судалгаа, Арга Зүйн төв үйл ажиллагаагаа эхлээд байна.
Энэ төвд хүүхдийн оролцоог хангасан урлаг , уран сайхны янз бүрийн тэмцээн уралдаан, хүүхдийг хөгжүүлэх үйл ажиллагаанууд , үзвэр үйлчилгээ, хурал чуулган, бүлгэмийн олон талт ажлуудыг зохион байгуулдаг. 500 хүний суудалтай. Мини Пентатоник , Оскар, Удирдагчдын тоглоом , дуутай нас , Миний орчин , “Нээлттэй микрофон” бүлгүүдийн тайлан сонсох цагууд энэ театрт явагддаг.

ХҮНИЙ НӨӨЦИЙН МЭДЭЭЛЭЛ
Тус төв нь Үндсэн болон дэмжих үйлчилгээний, чанарын гэсэн 3 алба, захиргаа хүний нөөцийн, олон нийттэй харилцах, санхүү бүртгэлийн гэсэн 3 хэлтэстэй. Үндсэн үйлчилгээний албанд хөтөлбөр хэрэгжилт, хоол үйлдвэрлэлийн 2 хэсэг, Дэмжих үйлчилгээний албанд барилга ашиглалт, харуул хамгаалалт, үйлчилгээ, дулаан, автын 5 хэсэг, Чанарын албанд захиргаа хүний нөөц, олон нийттэй харилцах хэлтэс, чанарын баг багтана.

Тус төв нь нийт 149 орон тоотой. Удирдах албан тушаалд Ерөнхий захирал, Тэргүүн дэд захирал, Дэд захирал, гүйцэтгэх 46 албан тушаалд алба, хэсгийн ахлагчид, захиргаа, олон нийттэй харилцах, хөтөлбөр, санхүү зэрэг албан тушаалын ажилтнууд, туслах албан тушаалд дэмжих үйлчилгээний 100 ажилтнууд харъяалагддаг байна.

35 жилийн түүхэн хугацаанд тус төвд 880 гаруй ажилтнууд ажиллаж, 120 гаруй нь төр засгийн одон медалиар шагнуулж байсан байна. Тус төвийн хамт олон төвийг хөгжүүлэх Ерөнхий төлөвлөгөө, “Нээлттэй зуслан” цахим хөтөлбөр, Ажилтнуудын нийгмийн баталгааны болон орон сууцны зэрэг хөтөлбөрийг амжилттай хэрэгжүүлж, “Хүүхдийн зуслангийн үйл ажиллагаа. Ерөнхий шаардлага MNS5633:2006” гэсэн стандартыг 2006 онд санаачлан боловсруулж, баталгаажуулсан. “Хүүхэд, өсвөр үеийнхний хөгжлийн хөтөлбөр” –ийн Зохиогчийн эрхийн гэрчилгээг 2007 онд гардан авсан. ISO 9001:2008 Чанарын удирдлагын олон улсын стандартын шаардлагыг 2010 онд бүрэн нэвтрүүлсэн байна.

Зохион байгуулалтын бүтэц, чиг үүрэг/Схемээр/
1.Үндсэн үйлчилгээний асуудал хариуцсан зохион байгуулалтын нэгжийн чиг үүрэг Энэ нэгж нь хүүхдийн хэрэгцээнд тулгуурласан хөгжлийн хөтөлбөрийн арга зүйн загварыг боловсруулж, хэрэгжилтийг хангах, бусдад дэлгэрүүлэх чиг үүргийг хүлээнэ. Энэ нэгжээс үзүүлэх үйлчилгээний үндсэн хэрэглэгч нь хүүхэд, эцэг эх байна. Энэ нэгжийн дотор хөтөлбөр хэрэгжилт, хоол үйлдвэрлэлийн хэсэг ажиллана. Хөтөлбөр хэрэгжилтийн хэсэг нь хүүхдийн хөгжлийг хангах, эрэлт хэрэгцээнд нь нийцсэн, сонголтот хөтөлбөрөөр үйлчлэх, сэтгэл ханамжийн баталгааг хангаж ажиллах чиг үүргийг хүлээнэ.
Хоол үйлдвэрлэлийн хэсэг нь хүүхдийн өсөлт, хөгжилтийн хэрэгцээг хангах, эрүүл, илчлэг сайтай, чанартай хоол, хүнсийг технологийн картын дагуу үйлдвэрлэж, соёлтой үйлчлэх чиг үүргийг хүлээнэ.
Эрүүл ахуй, эмнэлгийн баг нь хөнгөн, шуурхай үйлчилгээгээр хэрэглэгч, хүүхэд, ажилтнуудад үйлчлэх чиг үүрэг хүлээнэ.
2.Дэмжих үйлчилгээний асуудал хариуцсан зохион байгуулалтын нэгжийн чиг үүрэг
Энэ нэгж нь хүүхдийн хөгжлийн эрүүл, таатай аюулгүй орчинг бүрдүүлэх чиг үүргийг хэрэгжүүлнэ. Энэ нэгжээс үзүүлэх үйлчилгээний үндсэн хэрэглэгч нь хүүхэд, насанд хүрэгчид, ажилтан албан хаагчид байна. Энэ нэгжийн дотор дулааны, автын, барилга ашиглалтын, харуул хамгаалалт, үйлчилгээний хэсэг ажиллана.
Дулааны болон барилга ашиглалтын хэсэг нь хэрэглэгчдийн тав тухтай орчинг бүрдүүлэх, халуун ус, халаалтаар, автын хэсэг нь аюулгүй, найдвартай тээврээр, харуул хамгаалалтын хэсэг нь хэрэглэгч, хүүхдүүдийг галын болон орчны аюулгүй нөхцлөөр, үйлчилгээний хэсэг нь эрүүл ахуйн хэм хэмжээг хангасан орчин, нөхцлөөр хангах чиг үүргийг тус тус хүлээнэ.
3.Чанарын албаны зохион байгуулалтын нэгжийн чиг үүрэг
Энэ нэгж нь төвийн хэмжээнд чанарын удирдлагын стандартын шаардлагын хэрэгжилт, байнгын сайжруулалт, дотоод хяналт, захиргаа хүний нөөцийн болон олон нийттэй харилцах хэлтсийн удирдлага зохион байгуулалтыг хангах чиг үүргийг хэрэгжүүлнэ. Энэ нэгжээс үзүүлэх үйлчилгээний үндсэн хэрэглэгч нь хүүхэд, төвийн ажилтан албан хаагч, хэрэглэгчид байна.
Олон нийттэй харилцах хэлтэс нь хүүхдийн хөгжил хамгааллын төлөөх түншлэлийн гэрээ хэлэлцээрийн хэрэгжүүлж, мэдээлэл сурталчилгааны ил тод байдлыг хангах чиг үүргийг хэрэгжүүлнэ.
Захиргаа хүний нөөцийн хэлтэс нь захиргаа удирдлагын болон хүний нөөцийн манлайллыг хангах, төвийн ажилтан албан хаагчдын сургалт, дотоод ажил хэрэг, эрх зүйн зөвлөгөө, архив бичгийн нийтлэг үйлчилгээний дэмжлэг үзүүлэх чиг үүргийг хүлээнэ.
Чанарын баг нь төвийн үйлчилгээний соёл, чанарын удирдлагын болон байгууллагын стандартын хэрэгжилт, байнгын сайжруулалтанд тодорхой хуваарийн дагуу хяналт, аудит хийх, үл тохирлыг арилгуулах, гарахаас урьдчилан сэргийлэх зорилготой хэсэг нэгжийн төлөөлөл байна.
4.Санхүү бүртгэлийн асуудал хариуцсан зохион байгуулалтын нэгжийн чиг үүрэг
Энэ нэгж нь төсвийн үр дүнд суурилсан төлөвлөлт, зарцуулалт, төрийн өмчийн ашиглалт, хамгаалалт, дотоод хяналтын чиг үүргийг хэрэгжүүлнэ. Энэ нэгжээс үзүүлэх үйлчилгээний үндсэн хэрэглэгч нь хүүхэд, эцэг эх, ажилтан албан хаагчид байна.

1-Р УЛИРЛЫН СУРАГЧДЫН АМРАЛТААР БУЮУ 11-Р САРЫН 03-06-НЫ ХООРОНД АМРАХААР ЗАХИАЛГА ӨГСӨН ХҮҮХДҮҮД 10-Р САРЫН 27,28-НЫ ӨДРҮҮДЭД НИЙСЛЭЛИЙН ХҮҮХЭД ГЭР БҮЛ ХӨГЖЛИЙН ГАЗРЫН 1 ДАВХАРТ \"ГЭР БҮЛИЙН БОЛОВСРОЛЫН ТӨВ\" ГЭСЭН ӨРӨӨНӨӨС ИРЖ ЭРХИЙН БИЧГЭЭ АВНА УУ!
ЭРХИЙН БИЧГЭЭ АВАХДАА : - ТӨЛБӨР ТӨЛСӨН БАРИМТ - ТӨРСНИЙ ГЭРЧИЛГЭЭТЭЙГЭЭ ИРНЭ ҮҮ ! АЙМАГ ОРОН НУТГААС ОНЛАЙНААР ЗАХИАЛГА ӨГСӨН БОЛ 10-Р САРЫН 25-НЫ ДОТОР nairamdl@mongol.net ГЭСЭН ХАЯГААР ХҮҮХДҮҮДИЙН ОВОГ НЭР, РЕГИСТРИЙН ДУГААРЫГ ИЛГЭЭЖ ЗАХИАЛГАА БАТАЛГААЖУУЛНА.
ЛАВЛАХ УТАС: 99915555 ЭРХИЙН БИЧИГ ТАРААХ ЦАГИЙН ХУВААРЬ:
10-Р САРЫН 27,28-НЫ ӨДРҮҮДЭД ӨГЛӨӨ 9,30 - 17,00 ЦАГИЙН ХООРОНД АЖИЛЛАНА. ЖИЧ: ЭРХИЙН БИЧГЭЭ АВАХДАА ТӨЛБӨРӨӨ ТӨРИЙН САН 900017013 ТООТ ДАНСАНД ТУШААЖ БАРИМТТАЙГАА ИРНЭ. БЭЛЭН МӨНГӨӨР ЭРХИЙН БИЧИГ ОЛГОХГҮЙГ АНХААРНА УУ !

Захиалга өгөх

Мэдээлэл

  • 1-Р УЛИРЛЫН СУРАГЧДЫН АМРАЛТААР БУЮУ 11-Р САРЫН 03-06-НЫ ХООРОНД АМРАХААР ЗАХИАЛГА ӨГСӨН ХҮҮХДҮҮД 10-Р САРЫН 27,28-НЫ ӨДРҮҮДЭД НИЙСЛЭЛИЙН ХҮҮХЭД ГЭР БҮЛ ХӨГЖЛИЙН ГАЗРЫН 1 ДАВХАРТ \"ГЭР БҮЛИЙН БОЛОВСРОЛЫН ТӨВ\" ГЭСЭН ӨРӨӨНӨӨС ИРЖ ЭРХИЙН БИЧГЭЭ АВНА УУ!

    2014-10-15

    дэлгэрэнгүй
  • 1-Р УЛИРЛЫН СУРАГЧДЫН АМРАЛТААР БУЮУ 11-Р САРЫН 03-06-НЫ ХООРОНД АМРАХААР ЗАХИАЛГА ӨГСӨН ХҮҮХДҮҮД 10-Р САРЫН 27,28-НЫ ӨДРҮҮДЭД НИЙСЛЭЛИЙН ХҮҮХЭД ГЭР БҮЛ ХӨГЖЛИЙН ГАЗРЫН 1 ДАВХАРТ \"ГЭР БҮЛИЙН БОЛОВСРОЛЫН ТӨВ\" ГЭСЭН ӨРӨӨНӨӨС ИРЖ ЭРХИЙН БИЧГЭЭ АВНА УУ!

    2014-10-15

    дэлгэрэнгүй
  • 1-Р УЛИРЛЫН СУРАГЧДЫН АМРАЛТААР БУЮУ 11-Р САРЫН 03-06-НЫ ХООРОНД АМРАХААР ЗАХИАЛГА ӨГСӨН ХҮҮХДҮҮД 10-Р САРЫН 27,28-НЫ ӨДРҮҮДЭД НИЙСЛЭЛИЙН ХҮҮХЭД ГЭР БҮЛ ХӨГЖЛИЙН ГАЗРЫН 1 ДАВХАРТ \"ГЭР БҮЛИЙН БОЛОВСРОЛЫН ТӨВ\" ГЭСЭН ӨРӨӨНӨӨС ИРЖ ЭРХИЙН БИЧГЭЭ АВНА УУ!

    2014-10-15

    дэлгэрэнгүй
  • 1-Р УЛИРЛЫН СУРАГЧДЫН АМРАЛТААР БУЮУ 11-Р САРЫН 03-06-НЫ ХООРОНД АМРАХААР ЗАХИАЛГА ӨГСӨН ХҮҮХДҮҮД 10-Р САРЫН 27,28-НЫ ӨДРҮҮДЭД НИЙСЛЭЛИЙН ХҮҮХЭД ГЭР БҮЛ ХӨГЖЛИЙН ГАЗРЫН 1 ДАВХАРТ \"ГЭР БҮЛИЙН БОЛОВСРОЛЫН ТӨВ\" ГЭСЭН ӨРӨӨНӨӨС ИРЖ ЭРХИЙН БИЧГЭЭ АВНА УУ!

    2014-10-15

    дэлгэрэнгүй

БИДЭНТЭЙ ХАМТРАН АЖИЛЛАЖ БУЙ ТҮНШҮҮД




  • About
  • About
  • About
  • About